11:00 / 22.03.2018
15305

Oilaviy sirlarni oshkor etgan shaxsga nisbatan qanday javobgarlik belgilangan?  

Foto: Illyustrativ foto

O‘zbekiston Respublikasi qonunchiligiga ko‘ra, oilaviy sirlarni oshkor etgan shaxsga nisbatan ma'muriy va jinoiy javobgarlik belgilangan. Bu haqda Adliya vazirligi axborot xizmati xabar qilmoqda.

Xususan, Ma'muriy javobgarlik to‘g‘risidagi kodeksining 46-1-moddasiga ko‘ra, shaxsning shaxsiy yoki oilaviy sirini tashkil etuvchi shaxsiy hayoti to‘g‘risidagi ma'lumotlarni uning roziligisiz qonunga xilof ravishda yig‘ish yoki tarqatish eng kam ish haqining 10 baravaridan 40 baravarigacha miqdorda jarima solishga sabab bo‘ladi. 

Ushbu modda bilan ma'muriy javobgarlikka tortilgan shaxs yana shunday harakatni amalga oshirsa, Jinoyat kodeksiga muvofiq eng kam oylik ish haqining 50 baravaridan 100 baravarigacha miqdorda jarima yoki 300 soatgacha majburiy jamoat ishlari yoxud 2 yilgacha axloq tuzatish ishlari bilan jazolanadi.

Top