Foto: Global Look Press
Isroilda bosh vazir Binyamin Netanyahu o‘zining atrofidagi korrupsiya bo‘yicha ish yuzasidan yana tergovchilar tomonidan so‘roq qilina boshlandi. Bu haqda Walla xabar bermoqda.
Ta'kidlanishicha, Netanyahuni so‘roqdan o‘tkazish dushanba, 26 mart kuni ertalab Al-Qudsdagi Balfur ko‘chasida joylashgan qarorgohida boshlangan.
Bundan tashqari, qayd etilishicha, bosh vazir bilan birga uning turmush o‘rtog‘i Sara va o‘g‘li Yair ham so‘roqqa chaqirildi.
Eslatib o‘tamiz, o‘tgan yilning noyabr oyida Isroil politsiyasi Netanyahuni korrupsiya bo‘yicha ish yuzasidan to‘rt soat davomida so‘roq qilgani xabar berilgandi.
