Kemerovodagi savdo markazida yana yong‘in boshlandi, qurbonlar soni 60dan oshdi

Kemerovodagi «Qishki olcha» savdo markazida yana yong‘in boshlandi, tezkor xizmatlar olovni o‘chirishga harakat qilishmoqda. Bu haqda RIA «Novosti» xabar bermoqda.

«Yana avj olgan yong‘inni o‘chirish osma (ko‘tarma) kajavadan foydalangan holda amalga oshirilmoqda», - deya aytib o‘tgan agentlik muxbiri.

Rossiya favqulodda vaziyatlar vaziri Vladimir Puchkovning xabar berishicha, «Qishki olcha» savdo markazida yuz bergan yong‘in oqibatida halok bo‘lganlar soni 64 kishiga yetdi. 

Ulardan olti nafarining jasadi savdo markazi vayronalari ostida qolmoqda.

«64 – yakuniy raqam», - deya aytib o‘tdi Puchkov.

Eslatib o‘tamiz, avvalroq Kemerovo fojiasidagi qurbonlar soni ortayotgani xabar berilgandi.