Surxondaryoda qo‘shnisini pichoqlab o‘ldirgan shaxs qo‘lga olindi

Foto: Illyustrativ surat

Surxondaryo viloyatining Denov tumanida qotillik yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 24 mart kuni soat 16.30larda Bahoriston MFY Shahriston ko‘chasida yashovchi, 1977 yilda tug‘ilgan Sh.Ch. uyi oldida o‘zaro janjal oqibatida qo‘shnisi 1989 yilda tug‘ilgan A.M.ning ko‘krak qismiga pichoq bilan urib jarohat yetkazgan.

Natijada A.M. kasalxonaga yotqizilgan va ko‘rsatilgan tibbiy muolajalarga qaramay vafot etgan. Sh.Ch. qo‘lga olingan.