© Nick Potts/PA via AP
1 aprelga o‘tar kechasi Uels markazi Kardiff shahridagi Principality Stadium arenasida WBA Super, IBO va IBF kamarlarini birlashtiruvchi jang o‘tkazildi. Unda ushbu kamarlar sohibi Entoni Joshua WBO kamari egasi, yangi zelandiyalik Jozef Parker (24-0, 18 KO) bilan mushtlashdi.
12 raundlik jang yakunida hakamlar g‘alabani britaniyalik bokschiga berishdi 119:109, 118:110, 118:110.
Endilikda 21 jangda 21 g‘alaba qayd etgan (20tasi nokaut bilan) Joshua olmagan bir kamar - WBC (Butunjahon boks kengashi) kamari qolmoqda, ayni vaqtda ushbu kamar amerikalik Deontey Uaylderga tegishli.
Shu bilan birga boksga qaytgan rossiyalik Aleksandr Povetkin WBA Super yo‘nalishi bo‘yicha jahon chempionligi unvoni uchun Joshuaga majburiy da'vogar hisoblanadi.
