Qo‘qonda ayol 3 yoshli o‘g‘lining qotilligida gumonlanib ushlandi

Farg‘ona viloyatining Qo‘qon shahrida qotillik sodir bo‘ldi, deb xabar bermoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 2018 yil 2 aprel kuni Turkiston ko‘chasida joylashgan “Toshkent-Qo‘qon” yo‘nalishi bo‘yicha qatnovchi avtomashinalar turar joyi oldidagi daraxt tagidan osiyo millatiga mansub, 3-4 yoshlardagi o‘g‘il bolaning bo‘g‘ilgan holdagi jasadi topilgan. 

Olib borilgan surishtiruv ishlari natijasida jasadning shaxsi aniqlandi, u 2015 yilda tug‘ilgan F.I. bo‘lib, ushbu jinoyatni marhum F.I.ning onasi, 1995 yilda tug‘ilgan S.T. sodir etganligi aniqlanib qo‘lga olingan.