Rossiya prezidenti Vladimir Putinning ma'lum qilishicha, IShID terrorchilik guruhi hamon xavfli. Bu uning harbiy mag‘lubiyatiga qaramay, yuz bermoqda. Bu haqda RIA «Novosti» RF yetakchisining Xalqaro xavfsizlik bo‘yicha Moskva konferensiyasi ishtirokchilariga yo‘llagan murojaatiga asosan xabar berdi, uni Rossiya Xavfsizlik kengashi kotibi Nikolay Patrushev o‘qib eshittirgan.
«O‘z harbiy mag‘lubiyatiga qaramay, bu terrorchilik guruhi (IShID) destruktiv salohiyat, taktikani tez o‘zgartirish va jahonning turli davlatlari hamda mintaqalarida hujumlar amalga oshirish imkoniyatiga ega bo‘lib qolmoqda. Boshqa ekstremistik tuzilmalar ham katta xavf tug‘diradi», - deyiladi murojaatnomada.
Shuningdek prezidentning ta'kidlashicha, ko‘p tomonlama o‘zaro aloqalarning yangi shakllari haqida o‘ylash kerak, ular terrorizm bilan kurashda erishilgan muvaffaqiyatlarni mustahkamlashi, hamda bu tahdid yanada tarqalishining oldini olishi darkor.
Eslatib o‘tamiz, avvalroq FXX o‘tgan yil Rossiyada 29 teraktdan 25tasining oldini olgani xabar berilgandi.
