AQSh vs XXR. Tramp Xitoy tovarlariga yangi bojlar joriy etishga ahd qildi

AQSh prezidenti Donald Tramp Qo‘shma Shtatlar savdo vakiliga Xitoydan keluvchi tovarlarga bojlarni 100 mlrd dollarga oshirish imkoniyatini ko‘rib chiqish vazifasini topshirdi. Bu haqda Bloomberg xabar bermoqda.

«Xitoyning «adolatsiz qasosi» tufayli men savdo vakiliga Xitoy tovarlariga 100 mlrd dollar miqdorida qo‘shimcha tariflar joriy etish masalasini ko‘rib chiqish vazifasini topshirdim. Shuningdek, ushbu bojlar joriy etiluvchi mahsulotlar ham aniqlanadi», - deya ma'lum qildi Tramp.

Shuningdek, uning qo‘shimcha qilishicha, Xitoyning xatti-harakatlariga qaramay, «AQSh erkin, adolatli va o‘zaro savdo hamda Amerika kompaniyalari va xalqi texnologiyalari hamda intellektual mulkini himoya qilishga erishish bo‘yicha bo‘lajak muzokaralarga hamon tayyor turibdi».