Sooronbay Jeenbekov aprel voqealarida halok bo‘lganlar xotirasiga hurmat bajo keltirdi 

Qirg‘iziston prezidenti Sooronbay Jeenbekov 2010 yilning aprel oyi hodisalarida halok bo‘lganlar xotirasiga atab «Ata-Beyit» memorial kompleksida barpo etilgan devorga gulchambarlar qo‘yish marosimida ishtirok etdi. Bu haqda uning matbuot xizmati xabar bermoqda.

Uning ma'lumotlariga ko‘ra, gulchambarlar qo‘yish marosimidan so‘ng halok bo‘lganlarning haqiga duo qilingan.

Tadbirda sobiq prezident Roza Otunbayeva, Jogorku Kenesh spikeri Dostonbek Jumabekov, bosh vazir Sapar Isoqov, shuningdek, 2010 yilning 7 aprel kuni halok bo‘lganlar va jabrlanganlarning qarindoshlari, aprel voqealari ishtirokchilari, Jogorku Kenesh deputatlari, hukumat a'zolari, Qirg‘iziston davlat organlari rahbarlari va jamoatchilik vakillari qatnashdi.