Foto: iiv.uz
Toshkentda ikki o‘smir mashina olib qochib, YTH sodir etdi. Bu haqda IIV Jamoatchilik va ommaviy axborot vositalari bilan aloqalar boshqarmasi xabar berdi.
Toshkent shahrining Uchtepa tumanida 8 aprelga o‘tar kechasi Sergeli tumanidagi moliya va buxgalteriya kolleji o‘quvchisi J.R. va Chilonzor tumanidagi o‘rta maktab o‘quvchisi M.M. fuqaro Sh. Sa'diyevning uyi oldida qarovsiz qoldirilgan «VAZ-2101» rusumli avtomashinasi eshigi ochiq qolganligidan foydalanib, haydab qochgan.
Ko‘kcha Darvoza ko‘chasiga yetib kelganida o‘smirlar boshqaruvni eplay olmay, avtomashinani beton to‘siqqa urgan.
Ular YTH oqibatida tan jarohati olib, kasalxonaga yotqizilgan.
