Foto: AP
AQSh razvedkasining ikkita samolyoti Gretsiyaning Krit oroliga yetib keldi. Bu haqda mahalliy Iefimerida portali xabar bermoqda.
Samolyotlar Irakliondan uncha uzoq bo‘lmagan yerdagi «Nikos Kazandzakis» aeroportiga qo‘ngan. Gap Afg‘oniston va Iroqdagi amaliyotlar vaqtida foydalanilgan MC-12S EMARSS va MC-12W Liberty modeli haqida ketmoqda.
Samolyotlar ekipaji to‘rt kishidan iborat: qo‘mondon, uchuvchi va ma'lumot yig‘ish bilan shug‘ullanuvchi ikki zobit.
Eslatib o‘tamiz, avvalroq Britaniyaning Kiprdagi samolyotlari Suriyaga zarba berishga tayyor turgani xabar berilgandi.
