Xitoyning yangi aeroballistik raketasi AQSh hududiga yetib borishi mumkin – OAV

Xitoy raketa qo‘shinlari yangi aeroballistik raketa sinovini o‘tkazdi, u Rossiyaning «Kinjal» raketasiga juda o‘xshashdir. Bu haqda The Diplomat AQSh hukumatidagi manbaga asosan xabar bermoqda.

Ta'kidlanishicha, CH-AS-X-13 raketasi birinchi marta 2016 yilning dekabrida sinovdan o‘tkazilgan. 2018 yil boshida ro‘y bergan so‘nggi sinovlar davomida raketa SSSRda ishlab chiqarilgan Tu-16 bombardimonchisidan uchirilgan, uning jangovar radiusi taxminan 6 ming kilometrga teng. Bu raketa AQSh hududiga ham yetib bora olishi mumkinligidan dalolat beradi.

Amerika tomoniga ko‘ra, bunday raketalar 2025 yilga kelib butunlay shay holatga keladi. Nashrning ta'kidlashicha, Rossiya ham shunday raketalarga ega.