Niderlandiya TIV rahbari Lavrov bilan uchrashuvdan avval Kreml atrofida yugurdi

Foto: Reuters © Michael Kooren

Niderlandiya TIV rahbari Stef Blok rossiyalik hamkasbi Sergey Lavrov bilan uchrashuvidan avval Kreml atrofida yugurishga ham ulgurdi. Bu haqda RIA «Novosti» xabar qilmoqda.

«Hozir Moskvada juda yaxshi ob-havo. Men ertalabdan Kreml atrofida yugurish vaqtida shaharning ajoyib ko‘rinishidan bahramand bo‘ldim», - deya aytib o‘tdi Blok.

Uning qo‘shimcha qilishicha, rossiyalik vazir bilan muhim suhbati tufayli ko‘p qiziq joylarni ko‘ra olmaydi.