Нидерландия ТИВ раҳбари Лавров билан учрашувдан аввал Кремль атрофида югурди

Фото: Reuters © Michael Kooren

Нидерландия ТИВ раҳбари Стеф Блок россиялик ҳамкасби Сергей Лавров билан учрашувидан аввал Кремль атрофида югуришга ҳам улгурди. Бу ҳақда РИА «Новости» хабар қилмоқда.

«Ҳозир Москвада жуда яхши об-ҳаво. Мен эрталабдан Кремль атрофида югуриш вақтида шаҳарнинг ажойиб кўринишидан баҳраманд бўлдим», - дея айтиб ўтди Блок.

Унинг қўшимча қилишича, россиялик вазир билан муҳим суҳбати туфайли кўп қизиқ жойларни кўра олмайди.

Тайёрлаган: Отабек Матназаров

#Нидерландия #Кремль