Toshkentda yana mudhish YTH: ikki kishi halok bo‘ldi va yana ikki shaxs jarohatlandi

Toshkent shahrining Bektemir tumanida fojiali yo‘l-transport hodisasi ro‘y berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Qayd etilishicha, 11 aprel kuni soat 23.40larda, Sergeli tumani Quyi tolariq ko‘chasida yashovchi,   “Avto Grant” MChJ haydovchisi, 1992 y.t. K.Q. o‘ziga biriktirilgan “Kobalt” rusumli avtomashinasini H.Boyqaro ko‘chasida haydab ketayotib boshqaruvni eplay olmay yo‘l chetidagi ariqqa tushib, daraxtga urilib yo‘l-transport hodisasi sodir etgan. 

Natijada yo‘lovchilari, 1985 y.t. N.A. va 1991 y.t. S.H. olgan jarohatlaridan voqea joyida vafot etgan, shuningdek haydovchi K.Q. va yana bir yo‘lovchisi, 1996 y.t. Sh.T. kasalxonaga yotqizilgan.