Тошкентда жорий йилда кондиционер билан жиҳозланган 80та автобус пайдо бўлади
18:20 / 14.04.2018
8758

2018 йилда Тошкент автобус парки 80та катта сиғимга эга MAN A22 CNG паст полли автобусни қабул қилиб олади. Бу ҳақда JV MAN Auto-Uzbekistan’нинг Facebook’даги саҳифасида хабар берилган.

Қайд этилишича, сиқилган табиий газ (СТГ)да ишловчи бу автобуслар Самарқанддаги «JV MAN Auto-Uzbekistan» қўшма корхонасида йиғилган. Энди MAN A22 CNG автобуслари кондиционер билан ҳам таъминланади.

Фото: Facebook /MANAutoUzbekistan
Фото: Facebook /MANAutoUzbekistan

Эслатиб ўтамиз, СТГда ишловчи автобусларнинг афзалликлари улар ишлаганда зарарли моддалар худди шундай дизелли моделларга нисбатан анча кам миқдорда ажралишида намоён бўлади. 

Янги СТГ-технологияларнинг қўлланилиши анъанавий ёқилғида ишловчи автобусларга қараганда, ёқилғини 30-35 фоизга камайтириш имконини беради. 

Шунингдек, СТГда юрувчи автобуслар анча кам шовқинли саналади, бу шаҳар экологиясига ижобий таъсир кўрсатади.

 


Улашинг
Top