Torontoda muz yomg‘ir sababli 550 dan ko‘proq yo‘l transport hodisasi yuz berdi

15 aprelda Kanadaning Toronto shahri va uning atrofidagi shaharchalarda muz yomg‘ir yog‘di.  

Muz yomg‘ir sababli yo‘llarning kuchli muzlashi oqibatida kun davomida 550 dan ko‘proq yo‘l transport hodisasi yuz bergan. Dastlabki ma'lumotlarga ko‘ra, ushbu to‘qnashuvlar qurbonlarga olib kelmagan. Mahalliy huquq-tartibot idoralarining aytishicha, yo‘l transport hodisalarining barcha ishtirokchilari mayda jarohatlar olishgan. 

Shuningdek, yomon ob-havo sharoiti Pirson xalqaro aeroportidagi 250ga yaqin aviareysning bekor qilinishiga sabab bo‘lgan. Tabiiy ofat oqibatida 6 mingga yaqin mahalliy aholi elektrsiz qolgan.