Farg‘onada Qirg‘iziston fuqarosi qo‘lga olindi

Farg‘ona viloyatining So‘x tumanida jinoyat sodir bo‘ldi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Ma'lum bo‘lishicha, 2017 yil 21 iyul kuni “Oftobru” mahallasida yashovchi, 1978 y.t. U.M. IIBga murojaat qilib, unda noma'lum shaxs shu mahallada joylashgan yordamchi xo‘jaligidan umumiy qiymati 3 mln so‘mlik 120 metr temir quvurlarini o‘g‘irlab ketganligini ma'lum qilgan edi. 

Ko‘rilgan choralar natijasida ushbu jinoyatni Qirg‘iziston Respublikasi fuqarosi, Batken viloyati Qadamjoy tumani “Sur” qishlog‘ida yashovchi, 1961 y.t. U.K. sodir etganligi aniqlanib qo‘lga olingan.