Iroq samolyotlari Suriyadagi jangarilarga hujum qildi

Iroq harbiy havo kuchlari samolyotlari Suriyaning Iroq bilan chegaradosh hududida IShID jangarilari pozitsiyalariga zarbalar yo‘lladi. Bu haqda Iroq bosh vaziri matbuot xizmati xabar tarqatgan.

«Payshanba kuni Iroq qurolli kuchlari bosh qo‘mondoni Haydar al-Obodiy buyrug‘iga ko‘ra chegara hududidagi jangarilarning pozitsiyalariga zarbalar berildi», deyilgan xabarda.

Iroq bosh vaziri ofisi IShID jangarilari chegara hududida bo‘lishini mamlakat xavfsizligi uchun jiddiy xavf deb atagan.