Qarindoshi mashinasini olib qochib, YTHga uchragan va voqea joyidan qochib ketgan shaxs ushlandi

Toshkent viloyatining Bo‘stonliq tumanida jinoyat yuz berdi, deb xabar qilmoqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi.

Ma'lum bo‘lishicha, 17 aprel kuni Sijjak mahallasida yashovchi, 1985 y.t. B.N. IIBga murojaat qilib, u shu kuni soat 10.00larda, o‘zining “Matiz” rusumli avtomashinasini Sijjak mahallasi Navolisoy ko‘chasidan beton to‘siqqa urilgan holda topganligini ma'lum qilgan. 

Olib borilgan surishtiruv ishlari natijasida 17 aprelga o‘tar kechasi B.N.ning qarindoshi, Sijjak mahallasi M.Boboyev ko‘chasida yashovchi, 1998 y.t. N.A. uning uyi oldida joylashgan garajidan B.N.ga tegishli “Matiz” rusumli avtomashinasini haydab qochib, Sijjak mahallasi Navolisoy ko‘chasida beton to‘siqqa urib, avtomashinani shu yerda tashlab, o‘zi voqea joyidan yashiringanligi aniqlangan. 

Ko‘rilgan choralar natijasida N.A. ushlangan.