Buxoroda «Milliy o‘yinlar festivali» o‘tkazildi

Foto: O‘zbekiston Respublikasi Turizmni rivojlantirish davlat qo‘mitasi

Buxoro shahrining «Ark» qo‘rg‘oni maydonida «Milliy o‘yinlar festivali» bo‘lib o‘tdi. O‘zbekiston Respublikasi Turizmni rivojlantirish davlat qo‘mitasining Facebook'dagi sahifasida shu haqida xabar berildi.

Festivalda Buxoro shahri va viloyatlar aholisi, kollej va umumta'lim maktablar o‘quvchilari ishtirok etishdi.

Shuni alohida ta'kidlash lozimki, xalq o‘yinlari hamisha kishilarga shodlik, quvonch ulashib kelgan. Festivalda ham xuddi shunday ko‘plab o‘zbek milliy o‘yinlari tashkil etilib, ularda g‘olib chiqqan ishtirokchilar sovg‘alar bilan taqdirlanishdi.

Milliy o‘yinlar festivali charchoqni yozish, ko‘ngildagi g‘uborni ketkazish, hordiq chiqarish, milliy urf-odatlar va an'analarni saqlash hamda ichki turizmni rivojlantirish maqsadida tashkil etildi.

Ta'kidlash joizki, Buxoro shahrida tashkillashtirilgan Milliy o‘yinlar festivali va uning doirasidagi madaniy tadbirlar xorijiy sayyohlarda katta taassurot qoldirdi.

Tayyorlagan: Лола Раҳманбаева

#festival #turizm #Buxoro