Бухорода «Миллий ўйинлар фестивали» ўтказилди

Фото: Ўзбекистон Республикаси Туризмни ривожлантириш давлат қўмитаси

Бухоро шаҳрининг «Арк» қўрғони майдонида «Миллий ўйинлар фестивали» бўлиб ўтди. Ўзбекистон Республикаси Туризмни ривожлантириш давлат қўмитасининг Facebook'даги саҳифасида шу ҳақида хабар берилди.

Фестивалда Бухоро шаҳри ва вилоятлар аҳолиси, коллеж ва умумтаълим мактаблар ўқувчилари иштирок этишди.

Шуни алоҳида таъкидлаш лозимки, халқ ўйинлари ҳамиша кишиларга шодлик, қувонч улашиб келган. Фестивалда ҳам худди шундай кўплаб ўзбек миллий ўйинлари ташкил этилиб, уларда ғолиб чиққан иштирокчилар совғалар билан тақдирланишди.

Миллий ўйинлар фестивали чарчоқни ёзиш, кўнгилдаги ғуборни кетказиш, ҳордиқ чиқариш, миллий урф-одатлар ва анъаналарни сақлаш ҳамда ички туризмни ривожлантириш мақсадида ташкил этилди.

Таъкидлаш жоизки, Бухоро шаҳрида ташкиллаштирилган Миллий ўйинлар фестивали ва унинг доирасидаги маданий тадбирлар хорижий сайёҳларда катта таассурот қолдирди.

Тайёрлаган: Лола Раҳманбаева

#фестиваль #туризм #Бухоро