16:52 / 29.04.2018
6192
Ереванда мухолифатнинг норозилик намойишлари тикланмоқда
Фото: REUTERS/Gleb Garanich

Арманистон мухолифат ҳаракат етакчиси Николь Пашинян якшанба куни ўз тарафдорларини Ереван кўчаларида норозилик намойишларини тиклашга чақирди. У ўзининг Facebook саҳифаси орқали шу ҳақида маълум қилди.

"Барча тарафдорларимизни соат 12:00 да йўллар ва чорраҳаларни блоклашга, ҳатто машиналар ҳаракатини тўхтатишга чақираман", - деди Пашинян. У шунингдек "мамлакат ички сиёсий инқирози ўз ечимини топишга яқин экани"ни қўшимча қилган. 

"Биз ҳаракатларимизда қатъий эканимизни кўрсатишимиз керак. 19:00 да Республика майдонида митинг эълон қиламан", - деган Пашинян.

Маълумотларга кўра, Арманистон мухолифат тарафдорлари якшанба куни Ереваннинг бир неча марказий кўчасини блоклай бошлашган.

Намойишчилар Туманян, Пушкин кўчалари ва Маштоц проспекти ёпиб қўйишган, шаҳарнинг бир неча қисмларида юришлар ва намойишлар бўлиб ўтмоқда. Полиция норозилик акцияларини кузатмоқда, лекин уларга халақит беришга уринмаяпти.

 

Top