BAAda o‘zbekistonlik ayolni kaltaklab zo‘rlagan kishiga hukm o‘qildi

BAA fuqarosi o‘zbekistonlik ayolni kaltaklagani va zo‘rlagani uchun uch yillik qamoq jazosiga hukm qilindi. Khaleej Times shu haqida xabar berdi. 

Dushanba kuni Dubay sudi 39 yoshli erkakka ayblov hukmini o‘qidi. Tergov ma'lumotlariga ko‘ra, erkak ayol bilan janjallashgach, uni kaltaklagan, so‘ngra zo‘rlagan. Ayolning kiyimlarini esa 11-qavatdan irg‘itgan. 

Ayol rus millatiga mansub qo‘shnilaridan kiyim olib kiyinib, shu kunning o‘zidayoq mahalliy politsiya uchastkasiga shikoyat bilan murojaat qilgan.

Voqea 2017 yilning 21 yanvarida ro‘y bergan. Qiz shu kunning o‘zidayoq mahalliy politsiya bo‘limiga murojaat qilgan. 

Ayblanuvchi o‘z aybini rad etmoqda. Biroq sud-tibbiyot ekspertizasi jabrlanuvchining tanasida kaltaklanish izlari va erkak DNKni topgan.