Mun Chje In BMTga KXDR bo‘yicha iltimos bilan chiqdi

Foto: Korea Summit Press Pool/Reuters

Janubiy Koreya prezidenti Mun Chje In BMT bosh kotibi Antoniu Guterreshga KXDRdagi yadro poligonining yopilish jarayonini nazorat etish iltimosi bilan murojaat qildi. Bu haqda «Ryonxap» xabar bermoqda.

Shuningdek, Koreya Respublikasi prezidenti Guterreshdan Koreyalararo sammitda erishilgan kelishuvlarni qo‘llab-quvvatlashni so‘radi.

«Men BMT Bosh Assambleya yoki Xavfsizlik kengashi orqali Pxanmunjom deklaratsiyasini qo‘llab-quvvatlash aks etgan bayonot bilan chiqishini xohlayman», - deya ma'lum qildi Mun Chje In.

Guterreshning ma'lum qilishicha, bu masala bo‘yicha hamkorlik qilishga tayyor, sababi Koreya yarim orolida tinchlik o‘rnatilishiga umid qilyapti.

Eslatib o‘tamiz, avvalroq Janubiy Koreya prezidenti Tramp va Kim Chen Inning uchrashuvi uchun joy topgani xabar berilgandi.