Toshkentda jiddiy YTH: 5 nafar shaxs jabrlandi va 5ta avtomashina shikastlandi

Toshkent shahrining Yunusobod tumanida jiddiy yo‘l-transport hodisasi ro‘y berdi. Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar qilmoqda.

Qayd etilishicha, 30 aprel kuni soat 15.15larda, Islomobod ko‘chasida yashovchi E.Sh. o‘zining “Lasetti” rusumli avtomashinasini Sh.Rashidov ko‘chasida katta tezlikda haydab ketayotib, shu yo‘nalishda svetoforning qizil chirog‘ida to‘xtab turgan “Matiz” rusumli avtomashinaga urilishi natijasida  qator turgan yana to‘rtta mashinalar bir-birlariga urilib texnik shikastlangan. 

Ushbu yo‘l-transport hodisasi natijasida 5 nafar  shaxsga kasalxonada tibbiy yordam ko‘rsatilgan.