Yangi Zelandiyaning AQShdagi harbiy attashesi elchixona hojatxonasida yashirin suratga olishda ayblandi

Yangi Zelandiyaning AQShdagi harbiy attashesi va harbiy-dengiz kuchlari kommodori Alfred Kiting Vashingtondagi elchixona hojatxonalaridan birida videoyozuvga olish kamerasini maxfiy tarzda o‘rnatishda ayblanmoqda. Bu haqda New Zealand Herald xabar berdi.

Diplomatik missiya hojatxonasidagi kamera 2017 yilning iyulida topilgan. Hodisani surishtiruvdan o‘tkazish uchun Yangi Zelandiya politsiyasi xodimlari AQShga yetib kelishdi, natijada Kitingga fotosuratlar olish maqsadida noqonuniy suratga tushirish bo‘yicha ayblov qo‘yildi.

Kiting Yangi Zelandiyaga qaytib ketdi hamda egallab turgan lavozimini tark etdi. Sud eshituvlari davomida unga jarayonni yoritish chog‘ida o‘z ismini oshkor qilmaslik bo‘yicha iltimos yuzasidan rad javobi berildi. Kiting elchixonadagi va amerikalik hamkasblar bilan mudofaa bo‘yicha masalalarni muhokama qilishda mamlakatning eng yuqori mansabli harbiysi sanaladi. U bir yarim yilga ozodlikdan mahrum etilishi mumkin.