Surxondaryo viloyatida 3ta kichik turizm zonasi tashkil etilmoqda

Surxondaryo viloyatida turizm sohasini rivojlantirish chora-tadbirlari to‘g‘risidagi Hukumat qarori qabul qilindi. Hujjatga ko‘ra, Surxondaryo viloyatida 3ta kichik turizm zonasi tashkil etiladi. Bu haqda Adliya vazirligining "Huquqiy axborot" kanalida xabar berilgan. 

Qarorga muvofiq, Boysun tumanida Omonxona qishlog‘i, Zovboshi tog‘li hududi, Darband qishlog‘i hududlarini o‘z ichiga olgan — Boysun kichik turizm zonasi; Sariosiyo va Uzun tumanlarida Xonjiza tog‘ tizmalari yon bag‘irlarida hamda Sariosiyo tumani Sangardak qishlog‘i hududlarida — Sariosiyo kichik turizm zonasini; Sherobod tumani Shalqon qishlog‘i, Xo‘jaikon tuz koni hududlarida hamda hududdagi mevali bog‘larni o‘z ichiga olgan — Sherobod kichik turizm zonasini tashkil etiladi.

Ma'lum qilinishicha, ularda zamonaviy mehmonxona majmualari, madaniy-sog‘lomlashtirish, savdo-ko‘ngilochar va turizm ahamiyatiga ega bo‘lgan boshqa obektlar quriladi.