Nyu-York bosh prokurori zo‘ravonlikda ayblangani tufayli iste'foga chiqdi

Nyu-York shtati bosh prokurori Erik Shnayderman zo‘ravonlikda ayblangani fonida iste'foga chiqdi, deb xabar qilmoqda Reuters.

Shnaydermanni ayblab chiqqan to‘rt nafar ayolning bayonoti New Yorker jurnalida e'lon qilingandi. Prokuror ayollar huquqlari himoyasi faoli sifatida tanilgan bo‘lib, u jinsiy shilqimlikda ayblangan prodyuser Harvi Vaynshteynni sud tartibida ta'qib qilish uchun o‘z vakolatlaridan foydalangan.

«Bu ayblovlar mening professional xatti-harakatim va lavozimdagi ishim bilan bog‘liq emas. Biroq, ular menga shunday inqirozli vaqtda ofisga samarali rahbarlik qilishda xalaqit beradi», - deyiladi Shnaydermanning bayonotida.