Foto: Washington Times
AQSh davlat kotibi Maykl Pompeo Shimoliy Koreyaga yo‘l oldi. Pompeo KXDRda AQSh va Shimoliy Koreya yetakchilarining uchrashuviga tayyorgarlik ko‘rishda ishtirok etadi. Bu haqda AQSh prezidenti Donald Tramp 8 may kuni ma'lum qildi.
“Ayni vaqtda davlat kotibi Pompeo Shimoliy Koreya yetakchisi Kim Chen In bilan uchrashuvimga tayyorgarlik ko‘rish uchun KXDRga yo‘l olgan”, deb aytgan Tramp.
Tramp Kim Chen In bilan uchrashuv joyi va sanasi belgilab olinganini qo‘shimcha qilgan. “Biz katta muvaffaqiyatga umid qilmoqdamiz”, deb aytgan Tramp.
Ayni vaqtda Vashington va Pxenyan ikki davlat yetakchilarining uchrashuvi detallarini muhokama qilmoqda.
