Фото: Washington Times
АҚШ давлат котиби Майкл Помпео Шимолий Кореяга йўл олди. Помпео КХДРда АҚШ ва Шимолий Корея етакчиларининг учрашувига тайёргарлик кўришда иштирок этади. Бу ҳақда АҚШ президенти Дональд Трамп 8 май куни маълум қилди.
“Айни вақтда давлат котиби Помпео Шимолий Корея етакчиси Ким Чен Ин билан учрашувимга тайёргарлик кўриш учун КХДРга йўл олган”, деб айтган Трамп.
Трамп Ким Чен Ин билан учрашув жойи ва санаси белгилаб олинганини қўшимча қилган. “Биз катта муваффақиятга умид қилмоқдамиз”, деб айтган Трамп.
Айни вақтда Вашингтон ва Пхеньян икки давлат етакчиларининг учрашуви деталларини муҳокама қилмоқда.
