Erdo‘g‘an AQShning Eron bilan yadroviy kelishuvdan chiqishini tanqid qildi 

Turkiya prezidenti Rajab Toyyib Erdo‘g‘an eronlik hamkasbi Hasan Ruhoniy bilan telefon orqali muloqotda Anqara AQShning Eron bilan yadroviy kelishuvdan chiqishini xato deb hisoblashini aytgan. 

AQSh prezidenti Donald Tramp 8 may kuni AQShning kelishuvdan chiqishini e'lon qilgandi. Tramp bu kelishuv natijasida to‘xtatib qo‘yilgan barcha sanksiyalar tiklanishini qo‘shimcha qilgan.

“Prezidentimiz eronlik hamkasbi Hasan Ruhoniy bilan AQShning yadro kelishuvidan chiqishini muhokama qildi. Erdo‘g‘an, AQShning bu qadamini noto‘g‘ri deb hisoblashini ta'kidlab o‘tgan. Ikki yetakchi, shuningdek, ikki tomonlama munosabatlarni muhokama qilishgan va kelgusida ularni yanada rivojlantirishga kelishib olishgan”, deb aytgan manba.