Fazliddin G‘oibnazarov ertaga professional boksdagi 4-jangini o‘tkazadi

Hozirgi vaqtda professional boksda faoliyatini davom ettirayotgan Olimpiada chempioni Fazliddin G‘oibnazarov ertaga tongda o‘zining navbatdagi jangini o‘tkazadi.

O‘zbekistonlik bokschi sakkiz raunddan iborat jangda meksikalik Xesus Silveyraga qarshi ringga ko‘tariladi.

Ma'lumot uchun, Fazliddin professional boksda shu kungacha 3ta jang o‘tkazgan va ularning barchasida g‘alaba qozona olgan (1tasi nokaut bilan). Xesus Silveyra esa 15ta jang o‘tkazib, ularning 8tasida g‘alaba qozongan (3tasi nokaut bilan). 5ta jangda mag‘lubiyatga uchragan va yana 2ta to‘qnashuvda durang qayd etgan.

Eslatib o‘tamiz, jang (Toshkent vaqti bilan 13 may kuni tongda) Nyu-Yorkdagi Madison Square Garden’da bo‘lib o‘tadi.