Surxondaryo viloyatining Qumqo‘rg‘on tumanidagi 13 ta mahallani o‘z qamroviga olgan 3-sektor muammolarini o‘rganish va ularning yechimini topish, aholining og‘irini yengil qilish tuman IIB boshlig‘i mayor O‘.Shukurovning zimmasiga yuklatilgan.
Kuni kecha tuman IIB boshlig‘i tashabbus ko‘rsatib, 3-sektor hududida istiqomat qilib kelayotgan 9 ta kam ta'minlangan va nochor oilaning 12 nafar farzandiga homiylik xisobidan, ularning sunnat to‘yini o‘tkazib berdi. Bu haqda Surxondaryo viloyati IIB Matbuot xizmati ma'lum qilmoqda.
Mayor O‘.Shukurov shu kunning o‘zida bemorlar hamda keksa nuroniy onaxon-u otaxonlarning holidan xabar oldi. Ularni qiynab kelayotgan muammolari bilan ham tanishib, aniqlangan muammolarini tez kunda ijobiy hal qilib berishini ta'kidlab, o‘zining “yo‘l xarita”si rejasiga kiritib qo‘ydi.
