Xalqaro futbol uyushmalari kengashi (IFAB) o‘yinlar paytida murabbiylar shtabiga mobil elektron qurilmalaridan foydalanishga ruxsat berdi.
Shu tufayli, FIFA JCh-2018 ishtirokchilariga texnik uskunalar majmuasini taqdim qilishni rejalashtirmoqda. U murabbiylarga tahlilchilar bilan aloqada bo‘lish imkoniyatini beradi.
Har bir jamoa ikkita planshetni oladi: biri matbuot uchun mo‘ljallangan tribunadan o‘yinni kuzatuvchi tahlilchi uchun, ikkinchisi murabbiylar shtabi uchun.
Bundan tashqari, jamoalar FIFA platformasida o‘yindan keyingi tahlillar natijasini ham olish imkoniyatiga ega bo‘lishadi.
