Халқаро футбол уюшмалари кенгаши (IFAB) ўйинлар пайтида мураббийлар штабига мобил электрон қурилмаларидан фойдаланишга рухсат берди.
Шу туфайли, ФИФА ЖЧ-2018 иштирокчиларига техник ускуналар мажмуасини тақдим қилишни режалаштирмоқда. У мураббийларга таҳлилчилар билан алоқада бўлиш имкониятини беради.
Ҳар бир жамоа иккита планшетни олади: бири матбуот учун мўлжалланган трибунадан ўйинни кузатувчи таҳлилчи учун, иккинчиси мураббийлар штаби учун.
Бундан ташқари, жамоалар ФИФА платформасида ўйиндан кейинги таҳлиллар натижасини ҳам олиш имкониятига эга бўлишади.
