KXDR poligonni buzish ishlariga kiritiluvchi Janubiy Koreya jurnalistlari ro‘yxatini tasdiqlamadi

Shimoliy Koreya rahbariyati Janubiy Koreya OAVning Pungeridagi yadro poligonini buzish ishlarini yoritishi kerak bo‘lgan xodimlari ro‘yxatini tasdiqlamadi. Bu haqda «Ryonxap» xabar bermoqda.

Janubiy koreyalik vazirning aytishicha, Pxenyanga yadro poligonini buzish ishlari olib boriluvchi maydonchaga kirishga ruxsat beriladigan jurnalistlar ro‘yxati taqdim etilgan.

Janubiy Koreya rahbariyatining bildirishicha, Shimoliy Koreya tomoni bu ro‘yxatni «qabul qilmadi».

Eslatib o‘tamiz, avvalroq KXDR Janubiy Koreya bilan muloqotni to‘xtatish borasida tahdid qilgandi.