O‘zbekiston va Turkmaniston chegaralar bo‘yicha muzokara o‘tkazdi

2018 yilning 14-20 may kunlari Urganch shahrida O‘zbekiston Respublikasi va Turkmaniston o‘rtasida Davlat chegarasini delimitatsiya va demarkatsiya qilish bo‘yicha O‘zbekiston-Turkmaniston hukumatlararo qo‘shma komissiyasi ishchi guruhlarining navbatdagi uchrashuvi bo‘lib o‘tdi. Bu haqda TIV axborot xizmati xabar bermoqda.

Uchrashuv davomida O‘zbekiston-Turkmaniston davlat chegarasining ayrim uchastkalarida birgalikda o‘tkazilgan topografik-geodeziya dala ishlarining natijalari ko‘rib chiqildi va ularni 2018 yilga mo‘ljallangan Reja jadvali asosida davom ettirish bo‘yicha kelishuvga erishildi.

Ta'kidlanishicha, muzokaralar do‘stona va o‘zaro tushunish muhitida bo‘lib o‘tgan. Uchrashuv yakuniga ko‘ra Bayonnoma imzolandi.