Pokistonda anomal issiq tufayli 65 kishi halok bo‘ldi

Pokistonda 3 kundan buyon davom etayotgan anomal issiq tufayli halok bo‘lganlar soni 65 nafarga yetdi. Bu haqda CNN xabar bermoqda.

Mahalliy sinoptiklar ma'lumotlariga ko‘ra, Karachi shahrida issiq harorat 44 darajaga ko‘tarilgan.

Qayd etilishicha, vaziyat shaharlarda elektr energiyasi yetkazib berishdagi uzilishlar tufayli yanada og‘irlashmoqda.

Odamlarga kunduz kunlari ko‘chaga kamroq chiqish va ko‘proq suv ichish tavsiya qilinmoqda.