Toshkent viloyati va Tatariston o‘rtasida hamkorlik to‘g‘risida bitim imzolandi
Toshkent viloyati va Tatariston 2018 yilgi Peterburg xalqaro iqtisodiy forumi doirasida hamkorlik to‘g‘risidagi bitim imzoladi. Bu haqda Tatariston Respublikasi prezidenti saytida xabar berilgan.
Ushbu hujjat savdo-iqtisodiy, ilmiy-texnikaviy, ijtimoiy va madaniy sohalarda xalqaro hamda tashqi iqtisodiy aloqalarni amalga oshirishni nazarda tutadi.
Tatariston prezidenti Rustam Minnixanovning ta'kidlashicha, respublika Rossiya-O‘zbekiston munosabatlari doirasida O‘zbekiston bilan aloqalarni rivojlantirishga katta ahamiyat bermoqda. 2017 yilda tovar ayirboshlash hajmi qariyb 80 foizga o‘sib, 92 million dollarga yetdi.
Shu bilan birga, Tatariston prezidenti savdo-iqtisodiy aloqalarni yanada rivojlantirish uchun katta salohiyat bor ekanini qayd etib, imzolangan bitim bu ishda yordam berishiga ishonch bildirdi.
Mavzuga oid
14:40
O‘zbekiston hududlari va Tatariston o‘rtasida qishloq xo‘jaligida hamkorlik yo‘lga qo‘yiladi
08:50
Piyodalar yo‘lagida navbatdagi qurbon: Olmaliqda “peshexod”dan o‘tayotgan piyoda mashina urib ketishi oqibatida halok bo‘ldi
14:34 / 03.10.2024
Toshkent viloyatida chuqurga tushib ketgan odam chiqarib olindi
17:06 / 29.09.2024