2017 yil 4 may kuni Toshkent viloyatining Angren shahrida yashovchi D.Ya. ismli ayolning uyiga 2 noma'lum shaxs ochiq qolgan eshik orqali kirib, uning xonasidan pullari va zargarlik buyumlarini olib, voqea joyidan yashiringan.
Bu haqda O‘zbekiston Respublikasi IIV Jamoatchilik va ommaviy axborot vositalari bilan aloqalar boshqarmasi xabar bermoqda.
Qayd etilishicha, ko‘rilgan choralar natijasida ushbu jinoyatni jinoiy guruhdagi olti nafar shaxs sodir etganligi aniqlanib, Angren shahrida yashovchi A.E., T.R., B.K., S.E., A.B. hamda A.D. ushlangan.
