Тошкент вилоятида олти кишидан иборат жиноий гуруҳ қўлга олинди

2017 йил 4 май куни Тошкент вилоятининг Ангрен шаҳрида яшовчи Д.Я. исмли аёлнинг уйига 2 номаълум шахс очиқ қолган эшик орқали кириб, унинг хонасидан пуллари ва заргарлик буюмларини олиб, воқеа жойидан яширинган.

Бу ҳақда Ўзбекистон Республикаси ИИВ Жамоатчилик ва оммавий ахборот воситалари билан алоқалар бошқармаси хабар бермоқда.

Қайд этилишича, кўрилган чоралар натижасида ушбу жиноятни жиноий гуруҳдаги олти нафар шахс содир этганлиги аниқланиб, Ангрен шаҳрида яшовчи А.Э., Т.Р., Б.К., С.Э., А.Б. ҳамда А.Д. ушланган.