Bugun, 29 may kunidan e'tiboran Toshkent shahridagi masjidlarda, jumladan «Xasanboy» jome masjidida Qur'on Karim xatmonasi boshlandi. Bu haqda O‘zbekiston Musulmonlar idorasi Toshkent shahar vakilligi xabar bermoqda.
«Ramazon kechalarida dunyo masjidlari qatorida yurtimiz masjidlarida ham o‘tkazilayotgan xatmi Qur'on tarovihlarida yurtdoshlarimiz Alloh taoloning buyuk Kalomiga muhabbat ila some bo‘lib bormoqdalar. Bugun 29 May sanasida Toshkent shahridagi «Hasanboy» jome masjidida Qur'oni Karim xatmonasi ya'ni, Kalomullohning so‘nggi suralari o‘qilib, chin ixlos ila duolar qilinadi», deyiladi xabarda.
Ma'lumot uchun, Yunusobod tumanida joylashgan mazkur masjidda qorilar Abdurauf Karimov, Jaloliddin Mirzaqulov, Muhammadjon Ho‘jayev Kalomullohning so‘nggi suralari o‘qib, xatmona qilishi kutilmoqda.
