Poroshenko «Gazprom»dan qarzni majburiy to‘latish jarayoni boshlanganini e'lon qildi

Foto: Ukraina prezidenti matbuot xizmati

Ukraina prezidenti Pyotr Poroshenko «Gazprom»dan 2,6 mlrd dollar miqdoridagi qarzni Stokgolm arbitraji qarori doirasida majburiy to‘latish jarayoni boshlangani haqida ma'lum qildi.

Bu haqda Poroshenkoning Twitter’ida aytiladi.

«Gazprom»dan 2,6 mlrd dollarni majburiy to‘latish jarayoni amaliy qadamlarga ko‘chdi», - deya yozgan Poroshenko.

Avvalroq, OAV «Naftogaz» xorijiy sudlarda «Gazprom»dan 2,6 mlrd dollarlik qarzni Stokgolm arbitraji qarori doirasida talab qilib olish jarayonini boshlangani haqida xabar bergandi.

Eslatib o‘tamiz, bundan avval Poroshenko va Mey «Kremlning tajovuzkor siyosatini» muhokama qilgandi.