Tataristonning Naberejniye Chelni shahrida yozning birinchi kuni qor yog‘di, ijtimoiy tarmoqlar foydalanuvchilari ushbu holat hamda iyun bo‘roni tasvirlangan fotosurat va videolar bilan faol bo‘lishmoqda.
"Mayda, biroq kuchli qor yog‘di. Sayr qilishga ko‘chaga chiqqandim - hamma joy qor, daraxtlar barglari qorga to‘lib ketgan", - deya aytib o‘tgan Naberejniye Chelnida yashovchi ayollardan biri.
Uning so‘zlariga ko‘ra, shaharda ertalabki vaqtlarda havo harorati taxminan 0 daraja bo‘lgan, hozir biroz iliqlashdi.
Shuningdek, Boshqirdiston, Sverdlovsk va Ulyanovsk oblastlarida ham iyun qori yog‘gan.
