Iroq poytaxti Bag‘dodda ikki portlash oqibatida qurbon bo‘lganlar soni 18 kishiga yetdi, taxminan 90 nafar inson jarohat oldi. Bu haqda Reuters xabar bermoqda.
Ta'kidlanishicha, portlashlar Bag‘dod chekkasidagi Madinat-Sadr tumanida yuz bergan. Bu yerda asosan shialar istiqomat qilishi aytilmoqda. Politsiya ma'lumotlariga ko‘ra, portlashlar o‘q-dorilar to‘la bo‘lgan qutilarni masjiddan mashinaga olib o‘tishayotgan vaqtda yuz bergan.
Avvalroq, 6 iyun kechki vaqt Bag‘dod sharqidagi Madinat as-Sadrda sodir etilgan portlashlar oqibatida 10 kishi halok bo‘lgani, 93 kishi yaralangani haqida xabarlar tarqalgandi.