Rossiya prezidenti Vladimir Putin XXR raisi Si Tszinpindan Xitoyning oliy davlat mukofoti - Xitoy Xalq Respublikasi Do‘stlik ordenini olgan davlat rahbarlaridan birinchisiga aylandi.
Bu orden qonun bilan asosiy davlat mukofoti sifatida tasdiqlangan, u 2016 yilning 1 yanvar kuni kuchga kirgan. Qonun bandlariga muvofiq, u bilan xorijiy fuqarolar Xitoy davlat qurilishi va modernizatsiyasiga qo‘shgan alohida hissasi, shuningdek, mamlakatning xorijiy davlatlar bilan aloqalari hamda hamkorligini rivojlantirish va tinchlikni ushlab turishga qaratilgan sa'y-harakatlari uchun taqdirlanadi.
Si Tszinpinning ta'kidlashicha, Putin Xitoyga 2000 yildan beri 19 marta tashrif bilan kelgan bo‘lib, bu jahon davlatlari rahbarlari orasidagi eng yuqori ko‘rsatkichlardan biri sanaladi. U Rossiya yetakchisini «Xitoyda eng taniqli va hurmat qilinadigan shaxs», deb atagan.
Eslatib o‘tamiz, avvalroq Tszinpin Nazarboyevga Xitoy Qozog‘iston bilan bir yo‘ldan ketishga tayyorligini aytgandi.