AQSh Markaziy razvedka boshqarmasi sobiq xodimi Kevin Mellori sud maslahatchilari tomonidan Xitoy foydasiga josuslik qilishda aybdor, deb topildi. Bu haqda Qo‘shma Shtatlar Adliya vazirligi saytida xabar qilinadi.
61 yoshli Mellori 2017 yilning yozida Xitoy foydasiga josuslik qilishda ayblandi. Xabar qilinishicha, u mart va aprelda Shanxayga ikki marta tashrif buyurib, Xitoy razvedkasiga ishlagan Maykl Yang bilan uchrashgan.
Adliya vazirligi ma'lumotiga ko‘ra, Mellori Xitoy tomoni vakiliga to‘rtta hujjat bergan. Ulardan biriga «favqulodda maxfiy» maqomi berilgan bo‘lgan. Yana ikki hujjat «maxfiy» maqomiga ega bo‘lgani aytilmoqda. Ayblov tomonining fikricha, u hukumatning yana to‘rtta hujjatini topshirmoqchi bo‘lgan.
Jazo muddati borasidagi yakuniy qaror sudya tomonidan qabul qilinadi. Mellori umrbod ozodlikdan mahrum qilinishi mumkin.
Eslatib o‘tamiz, avvalroq AQShning yangi qurolga aloqador maxfiy ma'lumotlari o‘g‘irlangani ma'lum bo‘lgandi.
