Foto: RIA "Novosti"
2018 yilning 4-8 iyun kunlari Pekin shahrida Shanxay hamkorlik tashkilotiga a'zo davlatlar Milliy koordinatorlari kengashi (MKK) majlisi bo‘lib o‘tdi. Bu haqda TIV axborot xizmati xabar bermoqda.
Hindiston, Pokiston, Qirg‘iziston, Qozog‘iston, Tojikiston, Rossiya, Xitoy va O‘zbekistonning vakolatli vakillari tomonidan ShHT Davlat rahbarlari kengashining Tsindao shahrida (Xitoy) bo‘lib o‘tadigan 18-majlisi kun tartibiga kiritiladigan masalalar muhokama qilindi.
Shuningdek, yakuniy hujjatlar matnlari loyihalari ko‘rib chiqilgan va kelishilgan. ShHTga a'zo davlatlar rahbarlarining Tsindao deklaratsiyasi ushbu hujjatlarning markaziysi hisoblanadi.
