Putin Tojikiston bilan savdo hamkorligi faollashganini aytdi

Rossiya prezidenti Vladimir Putinning ma'lum qilishicha, Rossiya va Tojikiston o‘rtasidagi savdo hamkorligi faol rivojlanmoqda. Bu haqda RIA «Novosti» xabar berdi.

«Joriy yilning birinchi choragida o‘zaro savdo aylanmasi 18 foizdan ko‘proqqa oshdi. Shuning uchun bu boradagi ishlar faollik bilan olib borilmoqda», - deya aytib o‘tdi Putin Tojikiston prezidenti Imomali Rahmon bilan uchrashuvda.

Prezidentning ta'kidlashicha, Rossiya kompaniyalari Tojikiston iqtisodiyotiga deyarli 2 mlrd dollar miqdorida mablag‘ kiritgan.

Eslatib o‘tamiz, avvalroq O‘zbekiston Respublikasi prezidenti Shavkat Mirziyoyev Rossiya Federatsiyasi prezidenti Vladimir Putin bilan uchrashgani xabar berilgandi.